Tanga

Tanga tir widavapa valentrone Tanzania, i moltap kene India Welfa, poke jowe ke Kenya. To ristus widot ke Tanga gola tir.

Bal Taneafa Tamavageja, mali 1914 gan britafa ervolia giopon zo deblameyer, va dana germanaf boniaraf milk tsuned. Bak 1916, tere, widava gan Smuts jadiwik di zo olgalicur.

Kene taltefa domega ke Pemba vedil lente Pemba ewala, arte 200 km- lente Dar es-Salaam, Tanga tir tegiraf kazamolt is xo dem blotarafa is oksifa is razafa is selaxafa is foalkafa raba is dere intanyofara. Arusha kalkelotxe, Tanga kene Mombasa - Dar es-Salaam vawa tigir.